Обуки за везење и плетење, мерка за нови работни места

Невработените жени ќе учат плетење и везење преку проектот „Моќта на дизајнот и занаетот“ што го организира Центарот за вработување од Скопје , проект за кој се обезбедни 10 илјади евра.

Целта е да се создадат нови работни места со комбинирање на македонскиот дизајн, занаетчиското знаење и претпримеништвото. Обуките ќе траат три месеци и ќе може да ги посетуваат невработени  од скопскиот регион евидентирани во Центарот за вработување како активни баратели на работа. Од предвидените 240 часа, 200 часа  ќе бидат практично знаење.

Со мерката за обучување за плетење и везење на невработените ќе им помогнеме да се стекнат со знаење и вештини, а подоцна за нив ќе се обезбедат нови  работни места, изјави денеска по потпишувањето на договорот за спроведување на мерката Слободана Алексовска, директор на скопскиот Центар за вработување.