Турските власти привеле над 1.200 илегални имигранти

Во последниве 24 часа турските власти привеле повеќе од 1.200 илегални имигранти по потекло од Сирија. Според генералштабот на турската армија, во реонот на границата меѓу Турција и Сирија биле приведени околу 600 лица кои нелегално се обиделе да преминат на турска територија.

Истовремено, припадници на воената морнарица и на крајбрежната стража во морските погранични реони на Турција пресретнале уште околу 600 други илегални имигранти.