Музичката атракција „Хауард Госпел“ за 55-от роденден на „Охридско Лето“

Членовите на „Хауард Госпел“ хорот од Вашингтон му го честитаа 55-тиот роденден на Фестивалот „Охридско лето“. Станува збор за првиот академски хор од ваков вид во светот, основан во 1968 година, кој е составен од сегашни и поранешни студенти на Харвардскиот универзитет и од пасионирани љубители на хорската музика.

„Многу сме возбудени што за прв пат сме тука во Македонија. Поминуваме убави мигови тука, градот е волшебен, но и вие сте прекрасен народ“.

„Ви благодариме што не поканивте да бидеме дел од овој фестивал. Секаде каде што одиме, вклучувакќи ја и Македонија го презентираме најдоброто од нас, а тоа е госпел музиката“.

„Вечерва ќе приредиме прекрасен концерт, ќе пееме традиционална, модерна и црковна госпел музика. Ќе уживате во она што за вас ќе го пееме“, велат членови на хорот.

Веќе неколку години наназад на публика во Античкиот театар на роденденот на фестивалот и се нудат несекојдневни и спектакуларни настани кои долго ќе се паметат.

„Можеме оваа година да се пофалиме дека фестивалските настани беа многу посетени странската публика. Спојот на културата, културното наследство и туризмот покажаа дека можат да бидат добра основа за заеднички проекти и промоција како на фестивалот, така и на градот и туризмот“, изјави Елизабета Јанкуловска, директор на Фестивалот „Охридско лето“.

„Педесет и пет години Фестивалот „Охридско лето“ ги стигаше и достигнуваше највисоките врвови на светската музичка елита“, вели Гордана Јосифова Неделковска-мизички селектор.

Да потсетиме дека историјата на Охридско лето започна на 4 август во далечната 1961 година со настапот на оперската дива,Ана Липша Тофовиќ,по што на фестивалските сцени продефилираа врвни светски имиња од музичката и драмската уметност.

Сашо Нелоски