Не запира бранот мигранти, вчера издадени 775 потврди за барање азил

Се уште не запира бранот мигранти. За едно деноноќие полицијата издала 775 потврди на лица кои изразиле намера за барање азил во земјава. Меѓу нив и 188 деца.

Бројката издадени потврди се искачи на 26 илјада и 500, а на барања за признавање право на азил, врз основа на претходно издадена потврда 41, соопшти денеска Министерството за внатрешни работи.

Триесет и едно барање за азил се од државјани на Сирија, од кои 10 за деца, три од државјани од Пакистан, по две барања од државјани од Мароко, Алжир и Ирак  од кои едно е за деца, како и едно барање од државјанин на Египет.

Полни раце работа имал и Црвениот крст. Прва помош дале на 90- тина лица.