Кина: Приведени 197 лица поради ширење гласини за неодамнешниот пад на берзата

Во Кина се приведени 197 лица поради ширење гласини преку интернет за неодамнешниот пад на индексот на главните кинески берзи и за експлозијата во Тијанцин. Меѓу нив има новинар и претставници на берзата.

Едната гласина била дека маж извршил самоубиство во Пекинг поради пад на берзата, а другата дека дури 1.300 луѓе загинале во Тијанцин.

Според кинескиот закон, им следува тригодишна казна за секоја гласина на интернет што е споделена 500 или прегледана 5.000 пати.