Попоски ќе учествува на 10-от Бледски стратегиски форум
Министерот Попоски ќе учествува на панел дискусијата „Западен Балкан: Регионот во центарот на геостратешки размислувања”...
Шефот на македонската дипломатија Никола Попоски, ќе учествува на 10-тиот Бледски стратегиски форум, што се одржува во Блед. Воведни обраќања ќе имаат претседателот на Европскиот Совет, Доналд Туск, претседателите на Словенија и на Хрватска, претставникот на Генералниот секретар на ОН, Кристијан Фрис Бах, како и премиерите на Луксембург и на Србија, и генералниот секретар на ОБСЕ, Ламберто Заниери.
Министерот Попоски ќе учествува на панел дискусијата „Западен Балкан: Регионот во центарот на геостратешки размислувања”, во рамките на кој ќе се обратат и шефовите на дипломатиите на шест балкански земји.
На маргините на форумот, се предвидени и серија билатерални средби на министерот Попоски.