Изградба на нови училишта

На стартот на учебната година отворени се вратите на новото основно училиште „Живко Брајковски“ во општината Бутел. Има 25 училници, нови кабинети, опрема и библиотека. Од 2006-та досега за изградба и реконструкција на училишта од буџетската каса се искористени 50 милиони евра. Изградени се 70 нови и темелно реконструирани над 350 училишта.

„Во изминатиот период се градеше новата историја на чилиштето „Живко Беајковски“. Во исрторијата заминаа старите бараки, а училиштето доби нов објект со комплетно нови услови како за учениците така и за наставниот кадар“, изјави премиерот Никола Груевски.

При изградбата на ова училиште, општината ги применила сите европски стандарди.

„При изградбата на училиштето запазени се сите урбанистички, архитектонски, механиччки, сеизмички, еколошки и енергетски стандарди“, рече Петре Латиновски, градоначалник на општина Бутел.

800 дечиња од општина Бутел ќе имаат исклучително добри услови и немаат причина да не учат- вели вицепремиерот Зоран Ставрески, кој за ова училиште го врзуваат добри спомени.

„Овде во оваучилиште го почнав прво одделение. Минаа многу генерации и се школуваа голем број ученици. Во целиот период, во сите овие децении, независно што условите не беа којзнае какви продолжи да произведува квалитена настава и да ги образува децата што живеат во општина Бутел“, изјави Зоран Ставрески, вицепремиер и министер за финансии.

Во општината Кисела Вода пак до дотраениот објект на основното училиште „Невена Георгиева-Дуња“ почна изградбта на ново училишна зграда. На два ката со капацитет од 600 деца во две смени. Инвестицијата е 75 милиони денари. Планирано е да се заврши за 16 месеци.

„Кисела Вода е најстарата општина и за неа реализацијата на ваквите крупни проекти се од огромнио значење, ако се земе впредвид одтраената инфраструктура и скромните средства кои опшртината ги има на располагање“, рече Билјана Беличанец-Алексиќ, градоначалник на општина Кисела Вода.

„Инвестирањето во образованието и понатаму останува приоритет на Владата на Република Македонија и има за цел да се создадат подобри инфраструктурни услови за зголемување на квалитетот за следење на воспитно образовниот процес“, нагласи Абдулаќим Адеми – министер за образование и наука.

Додека траат градежните активности, нема да има застој во наставниот процес. Наставата редовно ќе се одржува во двата дела од старите објекти.

Наташа Гркова- Петрушевска