Повторно одложено рочиштето за случајот „Пуч“
Обвинителството побара повторно враќање на мерката претпазливост, односно одземање на пасошот на Заев...
Во скопскиот Кривичен суд повторно одложено рочиштето за случајот „Пуч“. На обвинителната клупа не се појави 4-то обвинетиот Зоран Заев.
Обвинителството побара повторно враќање на мерката претпазливост, односно одземање на пасошот на Заев. Одбраната останува на ставот дека е постигнат политички договор меѓу партиите според кој случајот треба да биде преземен од специјалниот јавен обвинител.
Лидерот на СДСМ, Заев јавно кажа дека не го признава македонското судство и поради тоа нема да присуствува на рочиштата. Во случајот „Пуч“ освен Заев, обвинети се екс-директорот на УБК Верушевски, неговата сопруга, општински службеник од Струмица и еден вработен од МВР. Се товарат за шпионажа и насилство врз највисоките државни органи.
Новото рочиште е закажано за 5-ти октомври.