Надлежните го информираа Иванов за заканите и ризиците со кои се соочува Македонија

Претседателот Иванов на работен состанок со челниците на институциите во системот за национална безбедност. Шефот на државата бил информиран за заканите и ризиците кои се последица од регионалните кризи и конфликти, а со кои се соочува Република Македонија, како и за мерките кои се преземаат за превенција и справување.

Службите разменуваат и добиваат податоци од странски партнери од Европската Унија и НАТО и од државите во регионот, со цел идентификување на ризиците кои произлегуваат од илегалната миграција, стои во дописот до медиумите.

Заканите со кои се соочуваме ја наметнуваат потребата од зголемена комуникација и соработка меѓу службите, навремен и превентивен одговор, и поголема транспарентност во работата на системот на контрола во собранието и институциите, истакнал на средбата претседателот Иванов.

На состанокот било дискутирано и за зголемување на капацитетите на специјалните сили и разузнавањето, но и за обврските од новата стратегија за одбрана.