Доцни бербата на црвената индустриска пиперка

Подготовката на зимници годинава ќе доцни. Поради временските услови бербата на црвената пиперка е одолжена за најмалку 20-тина дена.

Градинарите велат дека ќе има доволно пиперки и наскоро се очекува да почне помасовна берба, а со тоа и пазарните цени ќе бидат и пониски.

Годинава уште во јуни, преработувачите и градинарите ги договорија минималните откупни цени. Куртовска капија од прва класа, ќе се откупува по 22 денари за килограм. Мешаната прва и втора класа по 18, а втората класа по 13 денари.

Методија Трајков