ЕУ: Министрите без договор за планот на Јункер

Нема договор за бегалците како што сакавме, изјави вчера вечер европскиот комесар за внатрешни работи Димитрис Аврамопулос по состанокот на министрите за правда и внатрашни работи на земјите- членки на Европската Унија.

Министрите на вчерашниот вонреден состанок постигнаа согласност за планот за прифаќање на бегалците што го предложи претседателот на Европската Комисија, Јункер.

Изразија начелна, но не и формална согласност нивните земји да го прифатат поголемиот дел од вкупно 160 илјади бегалци од Африка и Блискиот исток во зависност од своите капацитети, но ги одбија обврзувачките квоти што комисијата се обиде да ги наметне.

Унгарија од полноќ применува нови закони и не дозволува влез во земјата преку зелената линија. Од изутрината е затворен и преминот Хоргош 2. Мигрантите ќе мора да ги користат премините Хоргош и Келебија каде што има пунктови за регистрација.

„Ние го затвораме зелениот појас на границата за да го запреме незаконското преминување. Тоа значи дека официјалните, легалните патишта за влез во Унгарија и со тоа во Европската унија остануваат отворени. Само тоа го бараме од сите мигранти. Тие мора да го почитуваат меѓународното право, Шенген протоколот, и треба да дојдат на официјалните гранични премини“, изјави Золтан Ковач, портпарол на унгарската влада.