Грција: Мртва трка меѓу Сириза и Нова демократија, одбиваат соработка

Се уште е неизвесно дали Грција ќе формира нова влада по вонредните избори во неделата. Неизвесноста е поради изедначеноста на двете најголеми политички партии и нивните лидери одбиваат  коалиција.

Во синоќешната ТВ дебата лидерот на левичарската Сириза, Алексис Ципрас и шефот на конзервативната Нова демократија, Вангелис Меимаракис потврдија дека разликата меѓу нив е огромна.

Истовремено, според анкетата што ја објави една грчка тв станица пред дебатата, Сириза и Нова демократија водат мртва трка со по 31 насто гласови.