ЕП го одбри планот за распределба на бегалците

Европскиот парламент го поддржа планот на Европската комисија за распределба на 120.000 меѓу државите членки. На 22 септември планот треба да го поддржат министрите за внатрешни работи и за правда на земјите членки.

Планот за распределба на 120.000 бегалци го поддржаа 372 пратеници, 124 беа  против, а 54 воздржани.

Потпретседателот на Европската комисија, Франс Тимерманкс му се зблагодари на парламентот велејќи дека ова е предизвик за Европа на политичко, хуманитарно и на морално ниво.

Европската комисија го поздрави планот како важен чекор, посебно поради фактот што го донесе во итна процедура.

„Сега е отворен патот за Советот да го усвои  предлогот. Ги повикуваме земјите членки да ги усвојат неопходните одлуки на вонредниот состанок на министрите за правда и за внатрешни работи на 22 септември“, се наведува во соопштението од Брисел.