Хрватска: Затворени седум гранични премини со Србија

Хрватска затвори седум премини кон Србија за секаков вид сообраќај, додека пак граничниот премин Бајаково на границата меѓу Србија и Хрватска останува отворен, работи нормалнo и е прооден за целокупниот сообраќај.

Хрватското министерство за внатрешни работи соопшти дека до 22 часот на територијата на хрватска влегле 11.003 мигранти. 

И Словенија го запре движењето на возовите по главната железничка линија од Хрватска, кај граничниот премин Добова, откако органите на редот запреа воз со околу 150 мигранти.