Батровци- Бајаково: Раздвижување на дел од македонските транспортери

Хрватска реши повремено да пропушта товарни возила со лесно расиплива стока. Камионите кои не превезуваат товар од Хрватска или на кој било начин е поврзана со неа се пропуштаат кон Србија.

Сеуште на границата Батровци- Бајаково има застој за сите возила. Возилата кои имаат  ЦЕМТ или транспортни дозволи може да најдат алтернативни патишта и да се вратат или продолжат, информира Биљана Муратовска од најголемата македонска шпедиција.

Стопанската комора укажува на сериозноста на состојбата со транспортерите и предупредува ако не бидат преземени итни мерки ќе трпат националните економии.

Вицепремиерот и министер за финансии Зоран Ставрески, кој е во посета на компании од струмичкиот регион, очекува да се најде итно решение за проблемот што настана меѓу Хрватска и Србија. За економијата не е добро да се затвораат границите- оценува вицепремиерот.