Производителите на ориз очекуваат високи приноси
29.09.2015 10:16
Почнуваат подготовките за жетва на оризот. Временските услови се идеални и доколку се задржат до октомври, кога почнува жетвата, оризарите ќе очекуваат и добри приноси...
Оризопроизводителите годинава очекуваат високи приноси. Доколку поволните временски услови се задржат до жетвата се проценува дека ќе се соберат скоро 5 тони по хектар, односно вкупно производство на оризовата арпа од 24.000 тони или околу 13.400 тони бел ориз.
Иако поради поплавите кои направија штета на оризовите ниви сеидбата беше неизвесна, годинава се насеаа за 200 хектари повеќе од лани.
Оризот е единствената извозна житна култура, а во оваа сезона се очекува да се вклучи и откупна компанија од Tурција.
Методија Трајков