Белград: Македонска донација за децата мигранти

Македонската амбасада во Белград донираше прехрамбрени производи во катчето наменето за згрижување на децата мигранти на УНИЦЕФ. Донацијата е пренамена на македонските производи од приемот за Денот на независноста што го организираше амбасадата. На овој хуман чин од српската влада присуствуваше и Ненад Иванишевиќ кој ја истакна добрата соработка меѓу двете држави за справување со мигрантската криза-

„Оваа акција е доказ дека комшиските односи на Балканот се нешто најсвето и кога е добро може да ги реши најголемите проблеми.Ние сме заедно во овој специфичен  проблем на мигрантската криза. И Србија и Македонија работат заедно, со отворени граници и со отворено срце. За разлика од некои други северни и западни граници кои се затвараат-Србија и Македонија го работат ова добро. Мислам дека ова е порака на сите, да кога сме заедно и кога заеднички работиме и правиме акции, непостои таков проблем кој неможе да се реши“, изјави Ненад Иванишевиќ, државен секретар во Министерството за труд и социјални прашања.

Со овој чин ја пренесуваме универзалната порака дека треба да бидеме хумани и солидарни и на дело- истакна амбасадорката Вера Јовановска Типко.

„Актуелната мигрантска криза е криза од светски размери. Ние како мали земји и Македонија и Србија треба заеднички интензивно да работиме во ублажување на последиците од оваа криза. Истовремено се залагаме за проактивен и заеднички пристап и долготрајна стратегија на светската меѓународна заедница“, изјави Вера Јовановска Типко, амбасадор на Р. Македонија во Белград.

На донацијата присуствуше и директорот на Канцеларијта на УНИЦЕФ во Србија- Мишел Сен Ло.

Оливер Бранковиќ, постојан дописник од Белград за МРТ