Иновациите и енергетската ефикасност во фокус на „Технома 2015“
Во рамките на „Технома“ и „Макинова“ е предвиден и Форум за иновации и технологии каде што сите заинтересирани претпријатија ќе имаат можност да се информираат за она што го нуди Фондот за иновации и технолошки развој...
Иновациите и енергетската ефикасност ќе бидат во фокусот на годинашниов саем „Технома 2015“. На 41-от по ред меѓународен саем на металургијата, електрониката, градежништвото, обезбедувањето и заштитата, ќе се претстават над 185 домашни и странски компании.
За првпат ќе се претстават и компании од Тајван. Во рамките на „Технома“ и „Макинова“ е предвиден и Форум за иновации и технологии каде што сите заинтересирани претпријатија ќе имаат можност да се информираат за она што го нуди Фондот за иновации и технолошки развој.
„Технома“ почнува денеска, а ќе трае до 17-ти октомври.