Почна вакцинацијата против сезонски грип

Во сите Центри за јавно здравје во државата почна вакцинацијата против сезонски грип. Обезбедени се 31 илјада вакцини.

Вакцинирањето против сезонски грип се препорачува најмногу за постарите лица, хронично болните лица, посебно оние со кардиоваскуларни и респираторни заболувања, дијабетес, како и за бремени жени, здравствени работници и за мали деца со намален имунитет. 

Вакцината против сезонски грип е произведена согласно препораките на светската здравствена организација.

Вакцинирањето против сезонски грип чини 400 денари.