Децата од најмала возраст учат за здравата храна
Важноста на здравата храна и правилниот начин на нејзиното консумирање, на меѓународниот ден на храната акцент е ставен на едукацијата во градинките. Целта е да се поттикнат децата и нивните родители повеќе да размислуваат за здравиот начин на исхрана, а на менито за јадење секогаш да бидат природните, здравите и свежите продукти...
100-тина дечиња од градинката во скопско Јурумлери сечкаа салата од зеленчук, според рецептот на британскиот готвач Џејми Оливер. Учат и како се одгледува зеленчук во органската градина. Од најмала возраст се едуцираат за правилниот начин на исхрана. Велат, здрава храна јадат секој ден.
Нашето поднебје изобилува со овошје и зеленчук, нема оправдување за здравата исхрана. Во кујните низ градинките веќе почнаа да се применуваат менијата составени од нутриционистите.
Земјава го одбележува светскиот Ден на храната - 20 илјади дечиња од градинките ќе се едуцираат за значењето на здравата храна. Компанијата „Тинекс“ подготви едукативни флаери.
Свежото овошје и зеленчук се носители на нашето здравје. Се поголем број на деца во земјава се со вишок килограми. Дебелината станува глобален проблем. Епидемија на алергии, срцеви заболувања се показател за лошата исхрана.
Андријана Атанасовска