Словенечката војска ќе ја контролира границата

Словенечкиот парламент рано изутринава усвои закон, со кој на армијата и се даваат поголеми надлежности. Војската ќе ги контролира деловите од границата на кои нема полициско присуство.

Словенија се соочува со прилив на мигранти кои доаѓаат од Хрватска поради затворањето на унгарската граница.

Од саботата 20 илјади бегалци влегле во земјата, владата денеска ќе побара финансиска и полициска подршка од Европската Унија за справување со кризата.