Дожд над 50 литри на метар квадратен и снег на планините

Времето во земјава во текот на целиот ден ќе биде облачно со врнежи од дожд, што почнаа во раните утрински часови. Во претпладневните часови ќе се прошират низ целата земја и ќе бидат со умерен интензитет.

Врнежи од дожд и над 50 литри на метар квадратен на одредени места. Повремен снег на највисоките планински врвови.

Ова нѐ очекува и утре, според најавите од Управата за хидрометеоролошки работи.

Врнежите ќе почнат од раните утрински часови во јужните и западните делови. Ќе дува слаб до умерен северен ветер. Температурата ќе се движи од седум до 13 степени.