Судењето за „Пуч“ одложено по четврти пат, ново рочиште на 13 ноември

Судењето за случајот „Пуч“ се одложи по четврти пат. Лидерот на СДСМ, Зоран Заев, кој се јавува како еден од обвинетите во овој предмет и денеска не се појави во Кривичниот суд во Скопје.

Судот го немал примено дописот дали Заев бил уредно поканет, но и покрај тоа, одбраната рече дека тој денеска имал работни обврски. Ново рочиште е закажано за 13 ноември.

Освен Заев, во овој случај се обвинети и поранешниот разузнавач Верушевски, неговата сопруга, вработен во општина Струмица и во МВР.

Се товарат за шпионажа и насилство спрема претставници на највисоките државни органи.