Над 10.300 вработени преку мерката млади до 29 години

Над 10.300 млади лица досегега се вработени во околу 5.000 компании преку мерката која ги поттикнува компаниите да вработуваат лица до 29 години, а притоа се ослободени од плаќање на социјални придонеси и персонален данок.

„Целта која што сакавме да ја постигнеме е веќе постигната, над 10.000 отворени работни места значат многу за македонските компании како и за младите во Македонија“, изјави министерот за труд и социјална политика, Диме Спасов, кој денеска во општина Чучер Сандево изврши увид на градежните работи за изграба на нова градинка.

Спасов соопшти дека оваа мерка ќе продолжи да се реализира и во наредните неколку месеци, а во просек до сега, откако е започната оваа мерка месечно се вработувале по 520 млади лица.