Демолирани просториите на СДСМ во Струмица

Ноќеска околу 3 часот по полноќ непознати лица го демолирале штабот на четвртата месна заедница на СДСМ во Струмица. Искршени се прозорците на објектот. Случајот е пријавен, а полицијата извршила увид на местото. Сопственикот на објектот, Александар Босилјанов, вели дека организираната група и пред две недели го оштетиле штабот.

ВМРО ДПМНЕ оцени дека се работи за внатрешни несогласувања меѓу членовите на партиската филијала, по што бил предизвикан инцидентот. СДСМ ги демантира ваквите пишувања.