Телефонско закажување посети во Затворот Скопје

Граѓаните кои сакаат да закажат посета во Затворот Скопје отсега тоа ќе можат да го направат телефонски, информираат од скопскиот Основен суд. Потребно е да се остават личните податоци и податоците за лицето кое сакаат да го посетат, а доколку ги исполнуваат условите за посета, судскиот службеник ќе ги контактира за точниот ден и времето кога може да ја рализираат посетата.

Затворот ќе биде мрежно поврзан со судот и ќе добива соодветна евиденција за тоа кој граѓани, конкретниот ден, има дозвола за посета, додека пак затворот ќе испраќа повратна евиденција за тоа колку од посетите биле реализирани.

Телефонското закажување на посетите во скопскиот затвор е еден од проектите кој се реализира по иницијатива и со сопствени средства на Основниот суд Скопје.