Грчките морнари стапија во 48-часовен штрајк

Грчките морнари денеска стапија во 48-часовен штрајк што го организира Синдикатот на морнарите и кој е против новите економски мерки на владата, што го засегаат и овој сектор.

Синдикатот на морнарите ги повика бродските компании, кои превезуваат мигранти и бегалци, да не патуваат во деновите кога е закажан штрајкот.

Учесниците во штрајкот бараат спречување на измените во пензиите на морнарите, кои се предвидено со реформите на грчкиот пензиски систем.