Студентите се вселија во реновираниот блок на студентскиот дом „Гоце Делчев“

Студентите ги добија клучевите од реновираните соби од блокот Б, во студентскиот дом „Гоце Делчев“. Наидоа на современо опремени соби со кујна, нови тоалети, нови подови и бежичен интернет.

Нема да има зима за студентите од „Гоце Делчев“. Решен е и проблемот со парно греењето. До највисоките катови ќе стигнуваат со нов лифт.

Студентите со кои разговаравме велат дека се повеќе од задоволни. Велат условите за живот се драстично променети и тоа за нив е мотив за да напредуваат во своето образование.