Руската војска ја бомбардираше областа кај Палмира

Руската војска соопшти дека ја бомбардирала областа кај градот Палмира, упориште на Исламска Држава во Сирија. Руските авиони уништиле дефанзивна позиција и противвоздушни системи на Исламска Држава.

Според сириската опсерваторија за човекови права, во нападите е погоден познатиот антички град што е под заштита на УНЕСКО и чиишто делови екстремистите претходно ги уништија.

Руското министерство пак, соопштило дека во предградие на Алепо е уништен камп, во кој се тренирале екстремистички борци од странство.