Ново намалување на цените на 282 лека
Највисокото намалување е 65 насто, а најниското 14 проценти. Со ова намалување, министерството за здравство заштедува уште еден милион евра...
По осми пат се намалени цените, овојпат на дополнителни 282 лекa. Највисокото намалување е 65 насто, а најниското 14 проценти. Со ова намалување, министерството за здравство заштедува уште еден милион евра.
Намалувањето на цените на лековите е системска реформа на Владата на република Македонија и Министерствоот за здравство и Агенцијата за лекови која во континуитет ја спроведуваме со цел да овозможиме поголема достапност на лековите кои се неопходни за лекување на одредени заболувања, како и за превенција и одржување на здравјето, изјави министерот за здравство Никола Тодоров.
Тој појасни дека намалени се малопродажните и големопродажните цени на 203 генерички лекови и на 79 оригинатори и иновативни лекови. Со намалувањето опфатени се лековите за болничко лекување и лековите кои граѓаните ги купуваат во аптеките.