Поднесено обвинение против дадилката која малтретираше дете

Обвинителството поднесе обвинителен акт против дадилката од Ѓорче Петров. Ќе одговара за кривично дело запуштање и малтретирање на дете.

Обвинението следи по поднесена кривична пријава од МВР за малтретирање на деветмесечно дете, по што обвинителството повело постапка.

Оттаму информираат дека се прибрани докази, меѓу кои и извршените вештачења за психичката состојба на осомничената и за настанатите последици кај детето.

До скопскиот кривичен суд обвинителот поднел и предлог за продолжување на мерката притвор за осомничената. За чување на детето таа била ангажирана од родителите.