Поради штрајкот на Луфтханза одложени 929 летови

Денеска се одложени 929 летови на Луфтханза поради продолжување на штрајкот на кабинетскиот персонал. Приближно стотина илјади патници ќе останат без соодветен превоз.

Тоа се летови во двата правца кон Франкфурт, Минхен и Дизелдорф. Синдикатот на кабинетскиот персонал е во спор со Управата поради пензиските услови за предвремено пензионирање. Одговорните во германската компанија Луфтханза се подготвени за преговори.