Пивтијада - традиција во Автокоманда
На преполниот плоштад во Автокоманда, Општина Гази Баба по шести пат ја организираше манифестацијата Пивтијада. И годинава жените од урбаните и од месните заедници, Организацијата на жените, Здружението на пензионерите и неколку ресторани ги продаваа своите пивтии.
Градоначалникот на Општина Гази Баба Тони Трајковски ги поздрави присутните и им го честита празникот, кој е всушност и повод за организирање на пивтијадата.
Вредните жени неколку дена ги подготвуваа изложените производи.
На преполниот плоштад во Автокоманда, Општина Гази Баба по шести пат ја организираше манифестацијата Пивтијада. И годинава жените од урбаните и од месните заедници, Организацијата на жените, Здружението на пензионерите и неколку ресторани ги продаваа своите пивтии.
Градоначалникот на Општина Гази Баба Тони Трајковски ги поздрави присутните и им го честита празникот, кој е всушност и повод за организирање на пивтијадата.
Вредните жени неколку дена ги подготвуваа изложените производи.
Катерина Чековска, претседателка на Унијата на жените од МЗ Крсте Мисирков - Гази Баба рече дека во подготовката на пивтиите учествувале педесетина жени, а освен пивтии, подготвиле и печива и колачи.
Најдобрите пивтии ги подготвија Невена Димовска од Керамидница, Милка Видевска од Хиподром и Надежда Кирковска од Ченто.
Пивтијадата има хуманитарен карактер, а собраните средства ќе се донираат на Детската клиника.
Ваквите манифестации ги поддржува и градоначалникот на Град Скопје.
Новинар:Тања Сарандеска
Снимател: Слаѓан Милошевски