Регионален фонд: 40 милиони евра за иновативните компании
Почна со работа канцеларијата во Скопје на Регионалниот фонд за иновации. На македонските компании им стануваат достапни 40 милиони евра, наменети за почетни бизниси, за мали и за средни претпријатија. Фондот ќе инвестира од 500 илјади до 2 милиона евра по компанија...
40 милиони евра за иновативните компании нуди Регионалниот фонд за иновации. Парите се наменети за старт ап бизниси, но и за мали и средни претпријатија. Почнува да работи канцеларијата во Скопје.
„Она што е најбитно и што е приоритет за ЕК за овој регион се бројните иницијативни кои треба да придонесат за подобрување на конкурентноста. Тука се надеваме дека ќе се вклучи и ИПА 2 програмата која ќе обезбеди значителни финансии за малите и средни претпријатија“, изјави Мартин Клауке, делегација на ЕУ во РМ.
Поддршката која им се дава на компаниите треба да ги подобри конкурентноста и бизнис-климата. Регионалниот фонд за иновации ќе партиципира од 500 илјади до 2 милиона евра во компанија.
„Понуда на тој капитал на приватните и на институционалните играчи на пазарот кои треба да ја подобрат економијата и конкурентноста во овој регион“, вели Џан Лука Масини, менаџер на Европскиот инвестициски фонд.
Освен во Скопје канцеларии има во Белград и Загреб.
„Компаниите можат да дојдат кај нас кога сакаат и да разговараме за да видиме што можеме да направиме за да им помогнеме во нивната работа и во иновациите“, нагласи Татјана Забеску, директор на Регионален центар за иновации во Скопје.
Парите во регионалниот фонд за иновации се обезбедени од касата на европските фондови.
Наташа Јанчиќ