„Џонсон Контролс“ во Штип ќе вработи над 1.400 лица

Светскиот гигант за происзводство за опрема за автомобили, „Џонсон Контролс“, денеска во Технолошко- индустриската развојна зона (ТИРЗ) во Штип ја отвара новата фабрика.

Фабриката се простира на површина од 12.000 метри кавдратни, ќе вработува над 1.400 лица, а во неа компанијата инвестираше 20 милиони евра. „Џонсон Контролс“ во Штип ќе произведува автомобилски седишта и навлаки.

Ова е втора фабрика на „Џонсон Контролс“ во Македонија. Првата е лоцирана во индустриската зона „Бунарџик“.

„Џонсон контролс“ е светски гигант за производство на опрема за автомобили. Компанијата е присутна во 150 држави и има вкупно 154.000 вработени.

Засега „Џонсон Контролс“ е единствениот инвеститор во ТИРЗ во Штип, а во октомври минатата година и хрватската компанија „Кумал“ најави дека во ТИРЗ Штип ќе гради погон за производство на термоизолациски материјали, која ќе донесе 100-тина вработувања.