Повторно одложено рочиштето за случајот „Пуч“

Во скопскиот Кривичен суд, уште едно, петто одложување на рочиштето за случајот „Пуч“. Причина- повторно непојавувањето на четвртообвинетиот Зоран Заев.

Образложението на неговата одбрана беше дека имал меѓународни активности и приложија копија од авионскиот билет.

Судијката Љубинка Башевска рече дека ако Заев не се појави на суд ќе мора да нареди негово стражарно приведување.

Во „Пуч“ за шпионажа и насилство врз највисоки државни функционери се обвинети и екс разузнавачот Верушевски, неговата сопруга, службеник во Општина Струмица и вработен во МВР.