„Три дена во септември“ го отвори „Синедејс“

Судбините на две жени се испреплетуваат кога ќе се сретнат во воз. На прв поглед немаат ништо  заедничко, но запознавајќи  се тие ги откриваат своите тајни и трауми.  „Три дена во септември“ е новиот македонски филм кој вчеравечер го отвори фестивалот на европски филмови „Синедејс“. Снимен во убавите предели на Македонија, во главните улоги настапуваат Ирена Ристиќ и Камка Тоциновски.

Режисерот Пејовски е задоволен од позитивните реакции по премиерата. Според  продуцентот Салковски, публиката е заситена од војни, страдање, транзиција и депресија во балканската кинематографија.

За филмот „Три дена во септември“ има интерес на маркетот во Кан, а од светската премиера која беше на 2-ри септември на фестивалот во Монтреал, досега е избран во неколку официјални селекции. Беше прикажан на фестивалите во Чикаго и Котбус, а следуваат Братислава и Едрене.

Александера Перевска