Хан: Да се разликува миграцијата од тероризмот

Спротивставени ставови на политичарите за бегалската криза и тероризмот. Додека еврокомесарот Хан смета дека бегалците не треба да се поистоветуваат со терористите, гувернерот на американската држава Алабама, се спротивстави на програмата на САД за прием на бегалци и забрани нивен влез во неговата земја.

„Ова е напад врз Париз, Франција, но и врз Европа. Ова е напад врз начинот на нашето живеење. Многу е важно овде да се нагласи дека не би требало, не би требало да го мешаме овој терористички напад со сегашниот миграциски и бегалски проблем. Ова се две различни работи. И сега предупредив дека ние почнуваме да не ги разликуваме. И треба да бидеме силни кога возвраќаме и го браниме европскиот начин на живеење воопшто“, изјави еврокомесарот Хан.