Иванов во Париз им оддаде почит на жртвите во терористичките напади
Претседателот Иванов го посети местото во близина на концертната сала „Батаклан“ во Париз, каде во петокот беше извршен еден од терористичките напади. Иванов запали свеќа и положи свежо цвеќе...
Македонскиот претседател, Ѓорге Иванов, кој присуствува на годишната конференција на УНЕСКО, го посети местото во близина на концертната сала „Батаклан“ во Париз, каде во петокот беше извршен еден од терористичките напади.
Иванов запали свеќа и положи свежо цвеќе. Стотици граѓани на Париз, секојдневно на ова место положуваат цвеќе за загинатите.
Со самото наше присуство на овој самит, укажуваме дека целта која што ја имале терористите не ја постигнаа, не не исплашија. Ние дојдовме тука да бидеме солидарни и со парижаните и со французите, и да се соочиме со оваа нова реалност, која создава психоза и создава страв кај граѓаните, кај луѓето, рече претседателот Иванов.
Претседателот Иванов оствари средба и со претставници на македонската дијаспора во Париз.