Товарен воз излета од шини кај Демир Капија

Товарен воз кој сообраќал на релацијата Гевгелија - Скопје излета утрово од шините кај Демир Капија. Нема повредени, причинета е мала материјална штета. Железничкиот сообраќај е во прекин.

Комисијата за увид и расчистување на настанот е на терен и ги утврдува причините поради кои дошло до несреќата.

Се прават напори сообраќајот да се пренасочи во другиот колосек, со цел да нема застој во железничкиот сообраќај во тој дел на земјата, информираат од МЖ Инфраструктура.