Франција: Пронајдено трето тело од станот во Сен Дени

Уште едно тело, овој пат на жена е пронајдено во станот во париското предградие Сен Дени во коешто полицијата спроведе рација по минатонеделните терористички напади.

На местото во една торба бил пронајден и пасош на име на Хасна Аитбулахсен, односно жената што се разнесе за време на рацијата, во која беше убиен наводниот мозок на нападите, Абделхамид Абауд.

Франција  претходно поднесе нацрт-резолуција во Советот за безбедност на ОН која предвидува преземање на „сите неопходни мерки“ против групата Исламска држава.

Со тоа се повикуваат земјите да ги „удвојат и координираат своите напори за да ги запрат терористичките активности извршени од ИД.

Претседателот Франсоа Оланд нареди интензивирање на воздушните напади против ИД во Ирак и Сирија.