Судир на два автобуси од градскиот превоз, состојбата на повредените стабилна
Дванаесет лица се повредени во сообраќајка на два автобуса изутринава. Повредените не се во животна опасност. Од страна на СВР е извршен увид на местото на незгодата, а автобусите се испратени на технички преглед...
Десетина повредени патници и двајцатa возачи на автобусите завршија во скопските болници по сообраќајката меѓу автобус на ЈСП и приватнa 23 –ка која се случи изутринава на булеварот „Јане Сандански“ во Аеродром.
7- мина од повредените се пренесени во ГОБ „Св. Наум Охридски“, четворица во ургентен и едно лице е пренесено во ГОБ „8-ми септември“.
Повредените не се во животна опасност. Кај една жена биле констатирани потешки повреди, поради што е пренесена на КАРИЛ, но според последните информации, нејзината здравствена состојба е стабилна.
„На местото на настанот од страна на увидна екипа на СВР Скопје е излезено, извршен е увид и се работи на целосно расчистување, односно утврдување на причините за сообраќајната незгода“, изајви Лиза Бендевска – СВР Скопје.
Увидот на истражните органи траеше и неколку часа по несреќата. Смачканата предница на двокатниот автобус и задницата на приватниот сведочеа за јачината на судирот.
Ана Јосифоска- Тодоровска