Поради надоградба на електронскиот систем, Катастарот нема да прима барања утре и в понеделник

Поради надоградба на електронскиот систем со нови хардверски решенија, Агенцијата за катастар на недвижности ги информира граѓаните и професионалните корисници (нотари, геодетски компании, извршители општини и др.) дека на утре 01.12.2015 како и на 07.12.2015 (понеделник) електронскиот шалтер како и шалтерите во Центарот за катастар на недвижност - Скопје како и одделенијата за катастар на недвижности низ Македонија нема да бидат во можност да примаат барања како и да издаваат податоци.

Агенцијата за катастар на недвижности следејќи ги модерните трендови и современите информатички технологии ќе изврши надоградба на својот електронски систем со нови хардверски решенија кои се последен збор на технологијата. По надоградбите на електронскиот систем и хардвер, катастарот ќе ги подобри своите капацитети за реализација на идните проекти, ќе се зголеми безбедноста на податоцитеиќе се подобри брзинатана решавањето на предметите и издавањето на податоците, стои во соопштението.