Бесплатни прегледи за бремените жени со здравствено осигурување

Од денеска бесплатни прегледи за бремените жени со здравствено осигурување. Денеска нема да плаќаат и микробиолошки и биохемиски анализи. На товар на Фондот за здравство и породувањето и советите од патронажните служби.

Од први јануари овие услуги ќе бидат бесплатни и за жените без здравствено осигурување. Ова е нова мерка на Министерството за здравство за унапредување на здравјето на бремените жени и доенчињата.

Сите здравствени установи во државата нема да им наплаќаат партиципација на бремените жени, а за средствата за партиципација ќе се обраќаат до Министерството за здравство, кое ќе ги обезбеди од сопствен буџет.