Британскиот парламент утре ќе гласа за приклучување кон воздушните напади против ИД

Британскиот парламент во среда ќе гласа за приклучување кон воздушните напади против Исламска Држава во Сирија. „Ќе се потрудиме да имаме долга и опсежна дебата“, изјави премиерот Дејвид Камерон.

„Верувам дека имаме растечка поддршка и убедлив случај во парламентот да одговориме на повиците на сојузниците и да дејствуваме против ИДИЛ во Сирија и во Ирак“, изјави Дејвид Камерон, премиер на Велика Британија.

Претходно, главната опозициска Лабуристичка партија одлучи нејзините пратеници да гласаат според својата совест и да се спротивстават на влегување во воената акција. Експертите толкуваат дека Камерон очекува да го добие мнозинството пратенички гласови.