Штрајк во Грција

Двата најголеми грчки синдиката организираат штрајк во знак на протест против усвојувањето на буџетот и мерките за штедење.

Болниците ќе работат само со основниот персонал, јавниот транспорт се одвива со големи тешкотии, затоа што нема да работат некои линии на метрото и на градските автобуси и тролејбуси, а нема да сообраќаат ниту возовите.

Вчера штрајкуваа и грчките медиуми, весниците не излегоа, а немаше ниту вести на телевизиите и на радијата. Ова е втор 24-часовен општ протест откако владата на Сириза е на власт.