Министерот Попоски во работна посета на Брисел

Министерот за надворешни работи Никола Попоски денеска ќе престојува во работна посета на Брисел.

Според агендата, министерот Попоски, соопшти МНР, ќе има работен појадок со постојаните претставници на земјите членки во ЕУ, во пресрет на подготовките за заклучоците за Европскиот совет, кој ќе се одржи на 17 и 18 декември во Брисел.

Попоски ќе има средба и со комесарот за европска соседска политика и преговори за проширување Јоханес Хан.