Македонија го чествува Св. Климент Охридски

Македонија го чествува Свети Климент Охридски, најистакнатиот ученик на творците на словенската писменост, светите браќа Кирил и Методиј. Во соборниот храм во Скопје се одржа божествена литургија, со која чиноначалствуваше неговото блаженство, Архиепископот охридски и македонски, господин господин Стефан. Храмот што го носи името на македонскиот просветител беше преполн со верници.

Свети Климент Охридски е и основач на првиот универзитет во Европа и коректор на првата македонска азбука – глаголицата, што ја нарекол Кирилица. Идната година се одбележуваат 1.100 години од упокојувањето на Свети Климент Охридски.

Пред неговиот споменик, дело на скулпторот Томе Серафимовски,се поклонија и положија цвеќиња владина делегација, делегација на Собранието,од Кабинетот на претседателот и од политички партии.