Патничкиот и авиосообраќајот нормализирани

Маглата на аеродромот „Александар Велики“ полека се крева и се нормализира  авиосообраќајот. Летовите за Цирих и за Истанбул се реализираа, а по 8 часот и 20 минути  се нормализира и слетувањето на воздухопловите.

Поради густата магла изутринава на аеродромот неколку летови беа пренасочени кон соседните авио- пристаништа. Сепак слетаа авионите на редовните линии од Цирих и Истанбул.

Маглата го отежна движењето на возилата и на повеќе патни правци низ земјава, а во некои делови видливоста е до 50 метри.