Војската на САД убила 350 припадници на Исламска држава

Американската војска соопштила дека во воздушните напади во последната недела убила околу 350 припадници на Исламска држава во ирачкиот град Рамади.

Портпаролот на Пентагон додаде и дека претходно бил убиен и министерот за финансии на Исламска држава и уште двајца лидери.

Исламска држава пред 7 месеци ја презеде контролата врз Рамади, но оваа недела ирачките сили успеаа да заземат дел од него.

Сепак, според портпаролот на американската војска, и покрај загубите, терористите се уште ја држат контролата врз поголемиот дел од градот.